Nakuja SIMBA SC Kuipa Ubingwa -KIONGERA

-
kiongeraStraika wa Simba, Mkenya, Paul Kiongera.
 Martha Mboma Dar es Salaam STRAIKA wa Simba, Mkenya, Paul Kiongera, amesema amefurahi kuona klabu hiyo inathamini mchango wake na ameapa kupiga kazi ili kuhakikisha anaipa ubingwa wa Ligi Kuu Bara msimu huu.
 Kiongera ambaye alisajiliwa na Simba msimu uliopita, alishindwa kudumu kikosini hapo kutokana na kukumbwa na majeraha ya goti ndipo akatolewa kwa mkopo katika timu ya KCB ya Kenya aliyokuwa akiitumikia kabla ya kutua Simba.

Taarifa zilizopo kwa sasa, tayari mabosi wa Simba wameshakamilisha zoezi zima la kumrudisha straika huyo na anasubiriwa amalize majukumu ya timu yake ya taifa ya Kenya inayoshiriki michuano ya Chalenji nchini Ethiopia ili aungane na wenzake. 
“Mpaka sasa mimi ni mchezaji wa Simba kwani nina mkataba nao, lakini walinitoa kwa mkopo kutokana na matatizo ya majeraha niliyoyapata, mkataba wangu unamalizika Juni, mwakani.

“Kwa kweli nimefurahi kusikia kwamba Simba inanirudisha kikosini kwao, kwa kushirikiana na wachezaji nitakaowakuta naamini tutafanya vizuri ikiwemo kupambana na timu nyingine kama Azam na Yanga ambazo ndiyo wapinzani wakubwa wa Simba. Nataka kuhakikisha kwa kushirikiana na wenzangu, tunaipa timu ubingwa wa ligi mwisho wa msimu huu,” alisema Kiongera.

Popular posts from this blog

Upepo wakwamisha Uokoaji Meli iliyozama

-
Image
Meli ya uokoaji Waokoaji wamekuwa wakipambana na upepo mkali pamoja na mawimbi ya bahari gizani kuwakoa karibu abiria 300 ambao wamekwama ndani ya ferry moja ya Italia iliyokuwa imeshika moto kwenye bahari ya Adriatic. Maofisa nchini Italia wanasema kuwa oparesheni ya uokoaji itandelea.Hadi sasa watu 190 wamekolewa kutoka kwa ferry hiyo.
soma zaidi

Walimu wadaiwa kuacha vipindi kukimbilia kufanya kazi migodini

-
Image
Wanafunzi wa shule za msing i mkoani Geita wamewalalamikia walimu wao kufanya kazi migodini na kuendesha bodaboda, hali inayosababisha wafeli kutokana na kutofundishwa darasani. Hata hivyo, Ofisa Elimu, Mkoa wa Geita, Eufransia Buchuma alisema juzi kuwa walimu hukimbia vipindi hali inayodhorotesha ufaulu. “Tumeweka mikakati kwa kila walimu wakuu wote kutoa taarifa kuhusu watakaoshindwa kuhudhuria vipindi au kuwa watoro, kisha hatua za kinidhamu zitachukuliwa kwa mujibu wa taratibu za kazi,” alisema Buchuma. Wakizungumza hivi karibuni, baadhi ya wanafunzi walisema hawamalizi silabasi kutokana na walimu kutokuwapo kwani siku nyingine wanarudi nyumbani bila kusoma. “Walimu hawafundishi, mnaweza kukaa wiki nzima bila mwalimu kuingia darasani, siku nyingine zote haumuoni au anakuja kusaini kisha anaondoka,” alisema mwanafunzi Retias Devid. Alisema walimu wengine wanafanya shughuli zao migodini, hivyo mwitikio wa kufundisha unakua mdogo. “Hata wakifundisha ha
soma zaidi