Hospitali imesemaje kuhusu mchezaji wa Uganda aliefariki baada ya goli la Lampard?
Ni taarifa ambayo ilitolewa na vyombo mbalimbali vya habari
kwamba mchezaji wa club ya Simba ya Uganda Fahad Musana amefariki
kutokana na mshtuko wa goli alilolifunga Frank Lampard wa Manchester
City wakati wakicheza na Chelsea juzi.
Pamoja na hayo, taarifa kutoka hospitali kuu Uganda ya Mulago zinasema Fahad alifariki kutokana na ugonjwa wa pnemonia na sio mshtuko uliotangazwa awali ambapo Fahad aliezikwa September 24 2014 baada ya kufia kwenye hospitali ya Bombo Barracks alikua shabiki mkubwa wa Chelsea.
 |
| Marehemu ni huyu alievaa jezi ya njano |
Kabla
ya kifo chake Musana alifanya mazoezi na timu yake Jumapili asubuhi na
kula chakula cha mchana na mmoja wa marafiki aitwae Gerald Bagoole na
kisha wakati wa mpira alikwenda kutazama jirani na anapoishi.
Habari
za kuhuzunisha za mashabiki wa soka Uganda zimekua na mfululizo wake
kwenye hii miaka miwili huku wengine wakijiua baada ya kushindwa mechi
na mmoja akiwa na majonzi ya nyumba yake baada ya kuiweka rehani
akishadadia kutabiri ushindi wa timu yake.
