MSIBA WAMSOTESHA AISHA MADINDA DUBAI

-
Stori: Gladness Mallya
ZOEZI alilokuwa akilifanya Mkurugenzi wa Bendi ya The African Stars ‘Twanga Pepeta’, Asha Baraka la kufanya mpango wa kumrudisha nchini mnenguaji Aisha Madinda amelisitisha kwa muda baada ya kupata msiba mzito wa mdogo wake na kumfanya mwanadada huyo aendelee kusota Dubai.Akizungumza na gazeti hili, Asha alisema alipata msiba wa mdogo wake anayemfuata aliyekuwa akiishi nchini Ubelgiji hivyo hajawasiliana na watu waliokuwa wakilishughulikia suala la Aisha pia bado fedha zinazohitajika hazijapatikana.
“Sijajua kinachoendelea kwani baada ya kupata msiba sijawasiliana na wale watu wa Dubai tena hivyo kuanzia wiki ijayo (wiki hii) nitaanza kulifuatilia suala hilo tena kwani fedha zilizokuwa zinatakiwa awali ni dola 800 na bado hazijapatikana na hivi alivyoendelea kukaa zitakuwa zimeshazidi zaidi ya hizo,” alisema Asha.Aisha Madinda aliondoka nchini baada ya kupata shavu la kwenda kucheza shoo Dubai lakini baada ya kufika huko, wenyeji wake walimgeuzia kibao na kumnyang’anya pasipoti yake kisha kumtumikisha kazi za ndani.
Wakati gazeti hili linaenda mtamboni, taarifa zilizotufikia zilikuwa zikieleza kwamba Aisha ameshawasili nchini baada ya kusaidiwa na ubalozi wa Tanzania huko Dubai.
CREDIT: GPL

Popular posts from this blog

Upepo wakwamisha Uokoaji Meli iliyozama

-
Image
Meli ya uokoaji Waokoaji wamekuwa wakipambana na upepo mkali pamoja na mawimbi ya bahari gizani kuwakoa karibu abiria 300 ambao wamekwama ndani ya ferry moja ya Italia iliyokuwa imeshika moto kwenye bahari ya Adriatic. Maofisa nchini Italia wanasema kuwa oparesheni ya uokoaji itandelea.Hadi sasa watu 190 wamekolewa kutoka kwa ferry hiyo.
soma zaidi

Walimu wadaiwa kuacha vipindi kukimbilia kufanya kazi migodini

-
Image
Wanafunzi wa shule za msing i mkoani Geita wamewalalamikia walimu wao kufanya kazi migodini na kuendesha bodaboda, hali inayosababisha wafeli kutokana na kutofundishwa darasani. Hata hivyo, Ofisa Elimu, Mkoa wa Geita, Eufransia Buchuma alisema juzi kuwa walimu hukimbia vipindi hali inayodhorotesha ufaulu. “Tumeweka mikakati kwa kila walimu wakuu wote kutoa taarifa kuhusu watakaoshindwa kuhudhuria vipindi au kuwa watoro, kisha hatua za kinidhamu zitachukuliwa kwa mujibu wa taratibu za kazi,” alisema Buchuma. Wakizungumza hivi karibuni, baadhi ya wanafunzi walisema hawamalizi silabasi kutokana na walimu kutokuwapo kwani siku nyingine wanarudi nyumbani bila kusoma. “Walimu hawafundishi, mnaweza kukaa wiki nzima bila mwalimu kuingia darasani, siku nyingine zote haumuoni au anakuja kusaini kisha anaondoka,” alisema mwanafunzi Retias Devid. Alisema walimu wengine wanafanya shughuli zao migodini, hivyo mwitikio wa kufundisha unakua mdogo. “Hata wakifundisha ha
soma zaidi