Je, Wajua? Q-Chief Kaandaa Wimbo Utakaotoka Siku Akifa!
Msanii nyota wa muziki nchini, Aboubakar Shaaban Katwila maarufu kama Q-Chief amesema kuna wimbo alioutunga kwa ajili ya mtoto wake utakaotoka baada ya kifo chake.
Akizungumza na BBC Swahili hivi karibuni, Q Chief alisema aliamua kuandika wimbo huo baada ya mtoto wake huyo ‘kumtoa katika matumizi ya madawa ya kulevya.’
“Nilifanya ngoma ambayo inaitwa ‘Asante’, nilisema sita u-release labda Mungu akinichukua mbele ya haki itatoka,” alisema.
“Mtoto wangu alikuwa special sana wakati ule, maneno ya huo wimbo ni maneno yanayomhusia na yatabaki kwenye akili yake,” aliongeza.
