DIAMOND: NINA HOFU YA KUNYANG'ANYWA TIFFAH

-

Musa mateja


Kazi ipo! ‘Kichaa’ wa Bongo Fleva, Nasibu Abdul ‘Diamond Platnumz’, amekumbwa na hofu ya kunyang’anywa mwanaye anayemuita malkia, Latifah Nasibu ‘Princes Tiffah’ baada ya mama mtoto wake, Zarinah Hassan ‘Zari The Boss Lady’ kutimka naye kwenda kwao nchini Afrika Kusini ‘Sauz’.


Latifah Nasibu ‘Princes Tiffah’.

Habari kutoka ndani ya familia ya staa huyo zilieleza kwamba, wikiendi iliyopita Diamond alisikika akiwaambia jamaa zake kuwa ana hofu hiyo na kwamba haamini kabisa kuondoka kwa Zari na Tiffah kwani anahisi huko aliko maadui zake wanaweza kumteka mwanaye kwa kuwa siku zote wamekuwa wakiongea maneno machafu.

“Alikuwa amekaa na washikaji zake na mimi nilikuwepo, alikuwa anatia huruma kweli maana tulikuwa tukipiga stori mara ghafla nikamuona amechenji baada ya kumuuliza akaniambia anamuwazia sana mwanaye Tiffah huko South kwani anahisi uwepo wake kule anaweza kutekwa na kujikuta akifanyiwa mambo yasiyokuwa sawa na baadhi ya wabaya wake ambao wamekuwa wakimuombea mabaya kila kukicha.

“Diamond anasema hana amani sana kwani amekuwa akimuomba Zari asiende hadi mtoto afikishe angalau miezi tisa lakini amegoma kufuatia miradi yake kuyumba kwani amekuwa mbali nayo kwa muda mrefu.


‘Kichaa’ wa Bongo Fleva, Nasibu Abdul ‘Diamond Platnumz’.

“Unajua Zari amekaa miezi mingi sana tangu alipotimba Bongo kujifungua, ungekuwa uwezo wake na si sheria za nchi angefanya kila liwezekanalo amhamishie huku maana hafurahishwi na kitendo cha kuwa mbali na mwanaye Tiffa,” kilisema chanzo hicho na kuongeza:

“Unajua Ivan (aliyekuwa mume wa Zari aliyezaa naye watoto watatu wa kiume) huwa anakwenda kwa Zari na yule shwahiba wake, King Lawrence ‘so’ lolote laweza kutokea kwani mara kwa mara walishasema kuwa Tiffah ni damu yao hadi wakataka akapimwe DNA.”

Akizungumza na Ijumaa Wikienda, Diamond alikiri kupatwa na hofu hiyo kwani hana imani sana na jamaa hao.
“Mimi kama binadamu lazima niwe na hofu na mwanangu hasa linapokuja suala la kuwa mbali na mimi na ndiye mtoto wangu wa kwanza hivyo lazima niwaze,” alifunguka Diamond

Popular posts from this blog

Kocha mpya wa muda wa Chelsea kabidi awaambie ukweli mashabiki wa Chelsea, hii ndio kauli yake …

-
Image
Kocha wa mpya wa muda wa klabu ya Chelsea Guus Hiddink ambaye amejiunga kwa mara ya pili kuifundisha klabu hiyo, baada ya miaka sita toka aondoke mwishoni mwa mwaka 2009 kama kocha wa muda wa klabu hiyo, Guus Hiddink ambaye ndio ameichukua Chelsea mikononi mwa Jose Mourinho ili aiokoe isiporomoke zaidi, ameanza kwa kuwatuliza mashabiki wa Chelsea kuwa wasitegemee mabadiliko ya haraka. Kwa miaka ya hivi karibuni Chelsea imekuwa ikifanya vizuri, hata msimu uliopita walikuwa Mabingwa wa Ligi Kuu Uingereza hivyo mashabiki wake wanaweza wakatarajia mabadiliko ya haraka na kutegemea kuiona timu yao ikirudi nafasi za juu, Guus Hiddinkambaye anaamini kuwa atafanya vizuri na kuirudisha Chelsea katika nafasi nzuri amewaambia mashabiki wasitegemee kuona timu inabadilika haraka kwani inahitaji muda. “Kama utaangalia msimu uliopita Chelsea walikuwa na mafanikio makubwa na kutwaa Kombe, najua msimu huu wana malengo kama hayo, kutwaa Ubingwa tena hususani katika Ligi Kuu Uingereza...
soma zaidi

Walimu wadaiwa kuacha vipindi kukimbilia kufanya kazi migodini

-
Image
Wanafunzi wa shule za msing i mkoani Geita wamewalalamikia walimu wao kufanya kazi migodini na kuendesha bodaboda, hali inayosababisha wafeli kutokana na kutofundishwa darasani. Hata hivyo, Ofisa Elimu, Mkoa wa Geita, Eufransia Buchuma alisema juzi kuwa walimu hukimbia vipindi hali inayodhorotesha ufaulu. “Tumeweka mikakati kwa kila walimu wakuu wote kutoa taarifa kuhusu watakaoshindwa kuhudhuria vipindi au kuwa watoro, kisha hatua za kinidhamu zitachukuliwa kwa mujibu wa taratibu za kazi,” alisema Buchuma. Wakizungumza hivi karibuni, baadhi ya wanafunzi walisema hawamalizi silabasi kutokana na walimu kutokuwapo kwani siku nyingine wanarudi nyumbani bila kusoma. “Walimu hawafundishi, mnaweza kukaa wiki nzima bila mwalimu kuingia darasani, siku nyingine zote haumuoni au anakuja kusaini kisha anaondoka,” alisema mwanafunzi Retias Devid. Alisema walimu wengine wanafanya shughuli zao migodini, hivyo mwitikio wa kufundisha unakua mdogo. “Hata wakifundisha ha...
soma zaidi