KIMENUKA! SAMAKI WA MAGUFULI, KIAMA KWA SERIKALI YA TANZANIA!

-
Mahakama ya Hakimu Mkazi Kisutu, imeamuru Serikali ya Tanzania kulipa meli ya uvuvi pamoja na samaki waliokamatwa miaka mitano iliyopita mali ya raia wa China, vyote vikiwa na thamani ya Dola za Marekani milioni 3.2.

Mahakama hiyo imetoa amri hiyo baada ya kuwaachia washtakiwa wawili raia wa China, Hsu Tai na Zhao Hanquing, waliokuwa wanakabiliwa na kesi ya kuvua samaki katika Ukanda wa Kiuchumi wa Bahari ya Tanzania bila kibali, maarufu ‘Samaki wa Magufuli’.

Akizungumza na NIPASHE kwa njia ya simu jana, Wakili wa Utetezi, Kapteni Ibrahim Bendera, alisema meli iliyokamatwa na wateja wake ilikuwa na thamani ya Dola za Marekani milioni 2.5 na samaki waliokutwa nao walikuwa na thamani ya Dola za Marekani 720,000.
“Bado tunasubiri maelekezo ya wamiliki wa hiyo meli kuhusu hatua za kisheria zinazostahili ili wapate fedha hizo” alisema Kapteni Bendera kwa njia ya simu.

Agosti 22, mwaka huu, Hakimu Mkazi Mkuu, Mfawidhi, Isaya Arufani, alisoma uamuzi wa kuwaachia huru Wachina hao, pamoja na mambo mengine, aliamuru serikali kulipa mali hizo pamoja na hati zao za kusafiria.

Kesi hiyo awali ilikuwa ikiwakabili watu 38 kutoka mataifa tofauti ya Bara la Asia ya China, Ufilipino, Vietnam na wawili raia wa Kenya.
Walikamatwa Machi 8, mwaka 2009 wakivua na walikutwa na tani 293 za samaki, wakati huo, Dk, John Magufuli akiwa Waziri wa Maendeleo ya Mifugo na Uvuvi.

Kati ya washtakiwa hao, mmoja alifariki dunia, wengine 35 waliachiwa huru na wawili kutiwa hatiani.
Hakimu Arufani aliwaachia huru washtakiwa hao wiki iliyopita ya Mkurugenzi wa Mashitaka Nchini (DPP), kuwasilisha hati ya kutokuwa na nia ya kuendelea na mashitaka hayo.
SOURCE: NIPASHE

Popular posts from this blog

Kocha mpya wa muda wa Chelsea kabidi awaambie ukweli mashabiki wa Chelsea, hii ndio kauli yake …

-
Image
Kocha wa mpya wa muda wa klabu ya Chelsea Guus Hiddink ambaye amejiunga kwa mara ya pili kuifundisha klabu hiyo, baada ya miaka sita toka aondoke mwishoni mwa mwaka 2009 kama kocha wa muda wa klabu hiyo, Guus Hiddink ambaye ndio ameichukua Chelsea mikononi mwa Jose Mourinho ili aiokoe isiporomoke zaidi, ameanza kwa kuwatuliza mashabiki wa Chelsea kuwa wasitegemee mabadiliko ya haraka. Kwa miaka ya hivi karibuni Chelsea imekuwa ikifanya vizuri, hata msimu uliopita walikuwa Mabingwa wa Ligi Kuu Uingereza hivyo mashabiki wake wanaweza wakatarajia mabadiliko ya haraka na kutegemea kuiona timu yao ikirudi nafasi za juu, Guus Hiddinkambaye anaamini kuwa atafanya vizuri na kuirudisha Chelsea katika nafasi nzuri amewaambia mashabiki wasitegemee kuona timu inabadilika haraka kwani inahitaji muda. “Kama utaangalia msimu uliopita Chelsea walikuwa na mafanikio makubwa na kutwaa Kombe, najua msimu huu wana malengo kama hayo, kutwaa Ubingwa tena hususani katika Ligi Kuu Uingereza...
soma zaidi

Walimu wadaiwa kuacha vipindi kukimbilia kufanya kazi migodini

-
Image
Wanafunzi wa shule za msing i mkoani Geita wamewalalamikia walimu wao kufanya kazi migodini na kuendesha bodaboda, hali inayosababisha wafeli kutokana na kutofundishwa darasani. Hata hivyo, Ofisa Elimu, Mkoa wa Geita, Eufransia Buchuma alisema juzi kuwa walimu hukimbia vipindi hali inayodhorotesha ufaulu. “Tumeweka mikakati kwa kila walimu wakuu wote kutoa taarifa kuhusu watakaoshindwa kuhudhuria vipindi au kuwa watoro, kisha hatua za kinidhamu zitachukuliwa kwa mujibu wa taratibu za kazi,” alisema Buchuma. Wakizungumza hivi karibuni, baadhi ya wanafunzi walisema hawamalizi silabasi kutokana na walimu kutokuwapo kwani siku nyingine wanarudi nyumbani bila kusoma. “Walimu hawafundishi, mnaweza kukaa wiki nzima bila mwalimu kuingia darasani, siku nyingine zote haumuoni au anakuja kusaini kisha anaondoka,” alisema mwanafunzi Retias Devid. Alisema walimu wengine wanafanya shughuli zao migodini, hivyo mwitikio wa kufundisha unakua mdogo. “Hata wakifundisha ha...
soma zaidi