Makanisa mengine matatu yavunjwa na kuchomwa moto

-



Mfululizo wa uhalifu dhidi ya makanisa mbalimbali bado unaendelea katika Mkoa wa Kagera ambapo makanisa matatu yamevunjwa na samani zake kuchomwa moto ndani ya siku moja likiwa ni tukio la pili kutokea katika kipindi cha wiki mbili sasa.
Kamanda wa Polisi wa Mkoa wa Kagera Kamishna Msaidizi Mwandamizi wa Polisi Augustino Ollomi amethibitisha kutokea kwa matukio hayo na kwamba jeshi la Polisi bado linaendelea na upelelezi kuhakikisha linawatia mbaroni wale wote wanaohusika na vitendo hivyo.


Makanisa yaliyoguswa na uhalifu huo ni pamoja na Kanisa la Kilutheri la Katoro na lile la kijiji cha Musira ,pamoja na kigango cha Katoliki cha kijiji cha Kituntu katika tarafa ya Katoro.
Uhalifu huo umefanyika kwa staili ya kuvunja milango na kuchoma samani za ndani ,tofauti na uhalifu wa wiki iliyopita ambapo makanisa matatu ya kipentekoste yalichomwa moto na kuteketea samani pamoja na majengo.


Kamanda wa Polisi wa Mkoa wa Kagera SACP Augustino Ollomi licha ya kuthibitisha kutokea kwa uhalifu huo,anaelezea mikakati inayowekwa na jeshi hilo kuhakikisha uhalifu huo hautokei tena katika nyumba za ibada.


Aidha Mwenyekiti wa kamati ya ulinzi na Usalama ya Mkoa wa Kagera ambaye pia ni Mkuu wa Mkoa huo John Mongella,ametoa tamko mara baada ya kumalizika kwa kikao cha kamati ya ulinzi na usalama ya mkoa juu ya matukio hayo.


Hii ni mara ya pili ndani ya kipindi cha wiki mbili uhalifu kutokea katika makanisa ,ambapo September 22 makanisa matatu ya kipentekoste katika manispaa ya Bukoba yaliteketezwa kwa moto huku watuhumiwa saba wakishikiliwa kwa ajili ya upelelezi zaidi.

Popular posts from this blog

Kocha mpya wa muda wa Chelsea kabidi awaambie ukweli mashabiki wa Chelsea, hii ndio kauli yake …

-
Image
Kocha wa mpya wa muda wa klabu ya Chelsea Guus Hiddink ambaye amejiunga kwa mara ya pili kuifundisha klabu hiyo, baada ya miaka sita toka aondoke mwishoni mwa mwaka 2009 kama kocha wa muda wa klabu hiyo, Guus Hiddink ambaye ndio ameichukua Chelsea mikononi mwa Jose Mourinho ili aiokoe isiporomoke zaidi, ameanza kwa kuwatuliza mashabiki wa Chelsea kuwa wasitegemee mabadiliko ya haraka. Kwa miaka ya hivi karibuni Chelsea imekuwa ikifanya vizuri, hata msimu uliopita walikuwa Mabingwa wa Ligi Kuu Uingereza hivyo mashabiki wake wanaweza wakatarajia mabadiliko ya haraka na kutegemea kuiona timu yao ikirudi nafasi za juu, Guus Hiddinkambaye anaamini kuwa atafanya vizuri na kuirudisha Chelsea katika nafasi nzuri amewaambia mashabiki wasitegemee kuona timu inabadilika haraka kwani inahitaji muda. “Kama utaangalia msimu uliopita Chelsea walikuwa na mafanikio makubwa na kutwaa Kombe, najua msimu huu wana malengo kama hayo, kutwaa Ubingwa tena hususani katika Ligi Kuu Uingereza...
soma zaidi

Walimu wadaiwa kuacha vipindi kukimbilia kufanya kazi migodini

-
Image
Wanafunzi wa shule za msing i mkoani Geita wamewalalamikia walimu wao kufanya kazi migodini na kuendesha bodaboda, hali inayosababisha wafeli kutokana na kutofundishwa darasani. Hata hivyo, Ofisa Elimu, Mkoa wa Geita, Eufransia Buchuma alisema juzi kuwa walimu hukimbia vipindi hali inayodhorotesha ufaulu. “Tumeweka mikakati kwa kila walimu wakuu wote kutoa taarifa kuhusu watakaoshindwa kuhudhuria vipindi au kuwa watoro, kisha hatua za kinidhamu zitachukuliwa kwa mujibu wa taratibu za kazi,” alisema Buchuma. Wakizungumza hivi karibuni, baadhi ya wanafunzi walisema hawamalizi silabasi kutokana na walimu kutokuwapo kwani siku nyingine wanarudi nyumbani bila kusoma. “Walimu hawafundishi, mnaweza kukaa wiki nzima bila mwalimu kuingia darasani, siku nyingine zote haumuoni au anakuja kusaini kisha anaondoka,” alisema mwanafunzi Retias Devid. Alisema walimu wengine wanafanya shughuli zao migodini, hivyo mwitikio wa kufundisha unakua mdogo. “Hata wakifundisha ha...
soma zaidi