KIMENUKA! SIMBA SC Yamshtaki Donald NGOMA wa YANGA SC, TFF

-
DONALD NGOMA

Fowadi wa Yanga, Donald Ngoma.
 Nicodemus Jonas, Dar es Salaam
UONGOZI wa Simba umeliandikia barua Shirikisho la Soka Tanzania (TFF) kushtaki kitendo cha fowadi wa Yanga, Donald Ngoma kumpiga kichwa beki wao, Hassan Kessy makusudi, katika mchezo wa wikiendi iliyopita ambao Yanga walishinda mabao 2-0.
 Simba wameamua kupeleka malalamiko yao TFF pamoja na nakala ya barua hiyo kwa Bodi ya Ligi wakipinga maamuzi ya mchezo huo ambao wanaamini ulikuwa na upungufu mkubwa.
 Msemaji wa timu hiyo, Haji Manara, ameliambia Championi Jumatano kuwa, barua hiyo waliiwasilisha tangu juzi Jumatatu, hivyo wanasubiria majibu.
“Kikubwa katika barua yetu tumebainisha upungufu uliojionyesha kwenye mchezo ule, Ngoma alionekana kumpiga kichwa Kessy pasipokuwa na mpira lakini refa hakuchukua hatua yoyote. 
Pia mwamuzi mwenyewe (Israel Nkongo) alikuwa akiwatukana wachezaji wetu matusi, sasa tunataka TFF waliangalie suala hili kwa mapana yake,” alisema Manara.
 Katibu wa TFF, Selestine Mwesigwa, alipotafutwa alisema: “Bahati mbaya kiutawala siruhusiwi kuzungumzia masuala ya barua au malalamiko kama imefika ama haijafika mezani kwangu, lakini kama kuna ishu kutoka kwao tutaiona.”
 Katika michuano ya Kombe la Kagame, Ngoma alijikuta akipewa kadi nyekundu kwa kosa la ‘kitoto’ la kumsukuma beki wa Gor Mahia.

Popular posts from this blog

Kocha mpya wa muda wa Chelsea kabidi awaambie ukweli mashabiki wa Chelsea, hii ndio kauli yake …

-
Image
Kocha wa mpya wa muda wa klabu ya Chelsea Guus Hiddink ambaye amejiunga kwa mara ya pili kuifundisha klabu hiyo, baada ya miaka sita toka aondoke mwishoni mwa mwaka 2009 kama kocha wa muda wa klabu hiyo, Guus Hiddink ambaye ndio ameichukua Chelsea mikononi mwa Jose Mourinho ili aiokoe isiporomoke zaidi, ameanza kwa kuwatuliza mashabiki wa Chelsea kuwa wasitegemee mabadiliko ya haraka. Kwa miaka ya hivi karibuni Chelsea imekuwa ikifanya vizuri, hata msimu uliopita walikuwa Mabingwa wa Ligi Kuu Uingereza hivyo mashabiki wake wanaweza wakatarajia mabadiliko ya haraka na kutegemea kuiona timu yao ikirudi nafasi za juu, Guus Hiddinkambaye anaamini kuwa atafanya vizuri na kuirudisha Chelsea katika nafasi nzuri amewaambia mashabiki wasitegemee kuona timu inabadilika haraka kwani inahitaji muda. “Kama utaangalia msimu uliopita Chelsea walikuwa na mafanikio makubwa na kutwaa Kombe, najua msimu huu wana malengo kama hayo, kutwaa Ubingwa tena hususani katika Ligi Kuu Uingereza
soma zaidi