Tume ya taifa ya uchaguzi yashangaa madai ya Mbowe

-


MKURUGENZI wa Tume ya Taifa ya Uchaguzi (NEC), Ramadhan Kailima amedai kushangazwa na taarifa za kuondolewa kwa baadhi ya watumishi wa tume hiyo na kuingizwa wapya wanaotajwa kuwa Usalama wa Taifa (TISS).

Amesema, vyombo vya usalama vimeimarisha ulinzi kwenye Ofisi za NEC lakini hakuna ukweli wa taarifa kwamba, Usalama wa Taifa ‘wameajiriwa kwa kazi maalumu’ kama inavyoelezwa.

“Ni kweli ofisi zetu za tume zinalindwa zaidi kwa sasa na vyombo vya usalama kuanzia Makao Makuu yetu mpaka wilayani ili vifaa vya uchaguzi viwe salama na sio vinginevyo kama inavyopotoshwa kuwa Maofisa Usalama wa Taifa wamejaa,” anasema.

Mwenyekiti wa Chadema-Taifa, Freeman Mbowe wakati akihutubia mkutano wa hadhara juzi kwenye Jimbo la Vunjo, Kilimanjaro alisema,“NEC haipo salama tena kwani imeingiliwa na watu wa Usalama wa Taifa kwa sasa.”

“viongozi wengi wa Tume ya Taifa Uchaguzi kwa sasa wanaondolewa na nafasi zao kuchukuliwa na watu wa Usalama wa Taifa ili kuweza kufanikisha malengo ya Serikali ya Chama Cha Mapinduzi kushinda kwa hujuma katika uchaguzi huu,” Mbowe amenukuliwa.

Akizungumza moja kwa moja kupitia Kituo cha Redio cha Magic FM jana asubuhi, mkurugenzi huyo alisema, kauli zinazotolewa na Mbowe si za kweli.

“Sheria za nchi huwa hazisimami kupisha uchaguzi mkuu, rais anayo mamlaka ya kisheria ya kuteua kiongozi yoyote kwa mujibu wa mamlaka yake na sheria za utumishi wa Umma zinaruhusu mtu kuhamishwa eneo la kazi. Shida iko wapi?” alihoji Kailima.

Kuhusu uteuzi huo kufanywa kwa lengo la kisiasa na kutengeneza mazingira ya ushindi kwa CCM, Kailima alikana kuwepo kwa uhalisia wa taarifa hizo.

“Wanaofuatilia masuala ya kisiasa watakubaliana na mimi hata mwaka 2000, 2005 na 2010 watumishi wa tume walikuwa wakibadilishwa karibu na kipindi cha uchaguzi, sasa sijui huu uzushi unaosemwa una lengo gani?” Alihoji.

Hofu imetanda miongoni mwa vyama vya upinzani kutokana na panga pangua ya watumishi wa NEC inayofanywa na Rais Jakaya Kikwete katika kipindi hiki cha karibia uchaguzi.

Popular posts from this blog

Kocha mpya wa muda wa Chelsea kabidi awaambie ukweli mashabiki wa Chelsea, hii ndio kauli yake …

-
Image
Kocha wa mpya wa muda wa klabu ya Chelsea Guus Hiddink ambaye amejiunga kwa mara ya pili kuifundisha klabu hiyo, baada ya miaka sita toka aondoke mwishoni mwa mwaka 2009 kama kocha wa muda wa klabu hiyo, Guus Hiddink ambaye ndio ameichukua Chelsea mikononi mwa Jose Mourinho ili aiokoe isiporomoke zaidi, ameanza kwa kuwatuliza mashabiki wa Chelsea kuwa wasitegemee mabadiliko ya haraka. Kwa miaka ya hivi karibuni Chelsea imekuwa ikifanya vizuri, hata msimu uliopita walikuwa Mabingwa wa Ligi Kuu Uingereza hivyo mashabiki wake wanaweza wakatarajia mabadiliko ya haraka na kutegemea kuiona timu yao ikirudi nafasi za juu, Guus Hiddinkambaye anaamini kuwa atafanya vizuri na kuirudisha Chelsea katika nafasi nzuri amewaambia mashabiki wasitegemee kuona timu inabadilika haraka kwani inahitaji muda. “Kama utaangalia msimu uliopita Chelsea walikuwa na mafanikio makubwa na kutwaa Kombe, najua msimu huu wana malengo kama hayo, kutwaa Ubingwa tena hususani katika Ligi Kuu Uingereza...
soma zaidi

Walimu wadaiwa kuacha vipindi kukimbilia kufanya kazi migodini

-
Image
Wanafunzi wa shule za msing i mkoani Geita wamewalalamikia walimu wao kufanya kazi migodini na kuendesha bodaboda, hali inayosababisha wafeli kutokana na kutofundishwa darasani. Hata hivyo, Ofisa Elimu, Mkoa wa Geita, Eufransia Buchuma alisema juzi kuwa walimu hukimbia vipindi hali inayodhorotesha ufaulu. “Tumeweka mikakati kwa kila walimu wakuu wote kutoa taarifa kuhusu watakaoshindwa kuhudhuria vipindi au kuwa watoro, kisha hatua za kinidhamu zitachukuliwa kwa mujibu wa taratibu za kazi,” alisema Buchuma. Wakizungumza hivi karibuni, baadhi ya wanafunzi walisema hawamalizi silabasi kutokana na walimu kutokuwapo kwani siku nyingine wanarudi nyumbani bila kusoma. “Walimu hawafundishi, mnaweza kukaa wiki nzima bila mwalimu kuingia darasani, siku nyingine zote haumuoni au anakuja kusaini kisha anaondoka,” alisema mwanafunzi Retias Devid. Alisema walimu wengine wanafanya shughuli zao migodini, hivyo mwitikio wa kufundisha unakua mdogo. “Hata wakifundisha ha...
soma zaidi