Msafara wa mgombea urais wazuiliwa

-
Msafara wa mgombea urais kupitia chama cha ACT­ Wazalendo umezuiwa kwa muda na wananchi wa Wilaya ya Nachingwea, wakidai kuwa na wao wanahitaji baraka kutoka kwa mgombea huyo baada ya kuzikosa kwa muda mrefu. 


Kitendo cha kusimamishwa katika eneo la soko la Nachingwea Mjini, kilimlazimu mgombea Anna Mghwira, kuwahutubia akiwa barabarani huku akilakiwa na umati mkubwa wa watu. 


Kama vile haitoshi wananchi hao walimlazimisha mgombea huyo kwenda kwenye kiwanja cha Nachingwea, ili kuwaeleza ni kwavipi chama chake kitapambana kuondoa umasikini unaowakabili. 


“Nashuka tuandamane hadi huko kiwanjani wapiga kura wangu” alisema mgombea huyo na kuandamana na wananchi hao kuelekea kwenye viwanja vilivyoko karibu na soko la Nachingwea. 


Ilimchukua muda wa saa moja mgombea huyo kueleza sera za chama chake kwa wananchi wa Nachingwea na kuahidi kuzifanyia kazi kero mbalimbali mara watakapompa ridhaa ya kuongoza Tanzania. 


Mghwira alianza kwa kuelezea vipaumbele vya ACT Wazalendo endapo kitaingia madarakani. 


Alivitaja vipaumbele hivyo ni pamoja na mifuko ya hifadhi ya jamii, ambapo aliwaahidi wananchi hao kuingizwa katika mfumo utakaowawezesha kujiwekea akiba na hivyo kuwasaidia katika matibabu na hata maisha ya baadaye. 


“Katika utawala wangu kila mmoja atafaidika na mifuko hiyo ya hifadhi ya jamii. Sitakuwa tayari kusikia Mtanzania anashindwa kujihudumia wakati wa ugonjwa au wakati akiwa amezeeka na hafanyi kazi tena,” alisema.

Popular posts from this blog

Kocha mpya wa muda wa Chelsea kabidi awaambie ukweli mashabiki wa Chelsea, hii ndio kauli yake …

-
Image
Kocha wa mpya wa muda wa klabu ya Chelsea Guus Hiddink ambaye amejiunga kwa mara ya pili kuifundisha klabu hiyo, baada ya miaka sita toka aondoke mwishoni mwa mwaka 2009 kama kocha wa muda wa klabu hiyo, Guus Hiddink ambaye ndio ameichukua Chelsea mikononi mwa Jose Mourinho ili aiokoe isiporomoke zaidi, ameanza kwa kuwatuliza mashabiki wa Chelsea kuwa wasitegemee mabadiliko ya haraka. Kwa miaka ya hivi karibuni Chelsea imekuwa ikifanya vizuri, hata msimu uliopita walikuwa Mabingwa wa Ligi Kuu Uingereza hivyo mashabiki wake wanaweza wakatarajia mabadiliko ya haraka na kutegemea kuiona timu yao ikirudi nafasi za juu, Guus Hiddinkambaye anaamini kuwa atafanya vizuri na kuirudisha Chelsea katika nafasi nzuri amewaambia mashabiki wasitegemee kuona timu inabadilika haraka kwani inahitaji muda. “Kama utaangalia msimu uliopita Chelsea walikuwa na mafanikio makubwa na kutwaa Kombe, najua msimu huu wana malengo kama hayo, kutwaa Ubingwa tena hususani katika Ligi Kuu Uingereza...
soma zaidi

Walimu wadaiwa kuacha vipindi kukimbilia kufanya kazi migodini

-
Image
Wanafunzi wa shule za msing i mkoani Geita wamewalalamikia walimu wao kufanya kazi migodini na kuendesha bodaboda, hali inayosababisha wafeli kutokana na kutofundishwa darasani. Hata hivyo, Ofisa Elimu, Mkoa wa Geita, Eufransia Buchuma alisema juzi kuwa walimu hukimbia vipindi hali inayodhorotesha ufaulu. “Tumeweka mikakati kwa kila walimu wakuu wote kutoa taarifa kuhusu watakaoshindwa kuhudhuria vipindi au kuwa watoro, kisha hatua za kinidhamu zitachukuliwa kwa mujibu wa taratibu za kazi,” alisema Buchuma. Wakizungumza hivi karibuni, baadhi ya wanafunzi walisema hawamalizi silabasi kutokana na walimu kutokuwapo kwani siku nyingine wanarudi nyumbani bila kusoma. “Walimu hawafundishi, mnaweza kukaa wiki nzima bila mwalimu kuingia darasani, siku nyingine zote haumuoni au anakuja kusaini kisha anaondoka,” alisema mwanafunzi Retias Devid. Alisema walimu wengine wanafanya shughuli zao migodini, hivyo mwitikio wa kufundisha unakua mdogo. “Hata wakifundisha ha...
soma zaidi