Mgombea Uenyekiti na Mfanyakazi wake wauawa kwa kukatwa Mapanga
ALIYEKUWA mgombea nafasi ya Uenyekiti wa Serikali ya kitongoji cha Idodomiya kijiji cha Kanoga na mfanyakazi wake kupitia Chama cha Demokrasia na Maendeleo (CHADEMA) wilaya ya Kaliua mkoani Tabora, wameuawa kwa kupigwa kwa mapanga.
Katibu
wa chama hicho Wilaya, Rajabu Hamisi alisema kuwa mauaji hayo yalitokea
juzi nyumbani kwake katika kijiji cha Kanoga wilayani Kaliua mkoani
hapa.
Alimtaja
aliyekuwa mgombea wao aliyeuawa kuwa ni Wilsoni Masanilo (35)
mfanyabiashara wa ng’ombe na mfanyakazi wake ni Juma Ujege (30).
Kamanda
wa Polisi mkoa wa Tabora, Suzana Kaganda alikiri kuwapo kwa mauaji hayo
na kusema taarifa za awali zinaonesha kwamba wameuawa na majambazi
waliokuwa wanatafuta fedha walizokuwa wameuza ng’ombe.
