KESI YA WAFUASI WA CHADEMA KUVAMIA POLISI YASOMWA LEO MAHAKAMANI

-
UPANDE wa Jamhuri katika kesi inayowakabili wafuasi watatu wa Chama cha Demokrasia na Maendeleo (Chadema) umedai mahakamani kwamba washtakiwa hao walikiuka amri halali ya Jeshi la Polisi baada ya kuvuka kizuizi kilichowekwa eneo la Makao Makuu ya  jeshi hilo.

Kadhalika, washtakiwa hao Ngaiza Kamugisha (28)  dereva, mkazi wa Vingunguti, Benito Mwapinga (30) Fundi nguo mkazi wa Mtoni kwa Azizi Ally na Eliasante Bugeji (51) Mhasibu wa CCBRT mkazi wa Komakoma Kinondoni, Dar es Salaam, wanadaiwa kukiuka amri halali iliyotolewa na Inspekta Zuhura ya kuwataka kutoweka eneo la ofisi hiyo.

Madai hayo yametolewa leo na Wakili wa Serikali Mkuu, Bernad Kongola wakati akiwasomea maelezo ya awali mbele ya Hakimu Mkazi Frank Moshi.

Kongola alidai kuwa Septemba 18, mwaka huu katika makao makuu ya jeshi la Polisi, washtakiwa walizuiliwa kuingia eneo hilo lakini walikiuka amri hiyo na kuingia kwa jinai.

Ilidaiwa kuwa mshtakiwa wa tatu, alitoa lugha chafu na matusi kwa Inspekta Zuhura iliyosababisha uvunjifu wa amani.

Washtakiwa walikana maelezo hayo.

Hakimu Moshi alisema kesi hiyo itasikilizwa Septemba 22 na 23, mwaka huu ushahidi wa upande wa Jamhuri.

Katika kesi ya msingi, ilidaiwa kuwa Septemba 18,mwaka huu, washtakiwa waliingia kinyume na sheria ndani ya Makao Makuu ya Jeshi la Polisi kwa hali ya fujo.

Alidai tarehe na siku ya tukio la kwanza washtakiwa walikataa kutii amri ya halali ya kutawanyika eneo la makao hayo iliyotolewa na  Inspeta Zuhura, ambaye alitoa amri hiyo baada ya kuruhusiwa na viongozi wake.

Popular posts from this blog

Kocha mpya wa muda wa Chelsea kabidi awaambie ukweli mashabiki wa Chelsea, hii ndio kauli yake …

-
Image
Kocha wa mpya wa muda wa klabu ya Chelsea Guus Hiddink ambaye amejiunga kwa mara ya pili kuifundisha klabu hiyo, baada ya miaka sita toka aondoke mwishoni mwa mwaka 2009 kama kocha wa muda wa klabu hiyo, Guus Hiddink ambaye ndio ameichukua Chelsea mikononi mwa Jose Mourinho ili aiokoe isiporomoke zaidi, ameanza kwa kuwatuliza mashabiki wa Chelsea kuwa wasitegemee mabadiliko ya haraka. Kwa miaka ya hivi karibuni Chelsea imekuwa ikifanya vizuri, hata msimu uliopita walikuwa Mabingwa wa Ligi Kuu Uingereza hivyo mashabiki wake wanaweza wakatarajia mabadiliko ya haraka na kutegemea kuiona timu yao ikirudi nafasi za juu, Guus Hiddinkambaye anaamini kuwa atafanya vizuri na kuirudisha Chelsea katika nafasi nzuri amewaambia mashabiki wasitegemee kuona timu inabadilika haraka kwani inahitaji muda. “Kama utaangalia msimu uliopita Chelsea walikuwa na mafanikio makubwa na kutwaa Kombe, najua msimu huu wana malengo kama hayo, kutwaa Ubingwa tena hususani katika Ligi Kuu Uingereza...
soma zaidi

Walimu wadaiwa kuacha vipindi kukimbilia kufanya kazi migodini

-
Image
Wanafunzi wa shule za msing i mkoani Geita wamewalalamikia walimu wao kufanya kazi migodini na kuendesha bodaboda, hali inayosababisha wafeli kutokana na kutofundishwa darasani. Hata hivyo, Ofisa Elimu, Mkoa wa Geita, Eufransia Buchuma alisema juzi kuwa walimu hukimbia vipindi hali inayodhorotesha ufaulu. “Tumeweka mikakati kwa kila walimu wakuu wote kutoa taarifa kuhusu watakaoshindwa kuhudhuria vipindi au kuwa watoro, kisha hatua za kinidhamu zitachukuliwa kwa mujibu wa taratibu za kazi,” alisema Buchuma. Wakizungumza hivi karibuni, baadhi ya wanafunzi walisema hawamalizi silabasi kutokana na walimu kutokuwapo kwani siku nyingine wanarudi nyumbani bila kusoma. “Walimu hawafundishi, mnaweza kukaa wiki nzima bila mwalimu kuingia darasani, siku nyingine zote haumuoni au anakuja kusaini kisha anaondoka,” alisema mwanafunzi Retias Devid. Alisema walimu wengine wanafanya shughuli zao migodini, hivyo mwitikio wa kufundisha unakua mdogo. “Hata wakifundisha ha...
soma zaidi