MCHEZAJI AFARIKI HUKO UGANDA KUFUATIA BAO LA FRANK LAMPARD

-
Fahad Musana, ambaye ni shabiki wa kutupwa wa klabu ya soka ya Chelsea, amefariki dunia baada ya mchezaji wa zamani wa klabu hiyo, Frank lampard, kuifungia Manchester City bao la kusawazisha, katika pambano lililopigwa jana baina ya timu hizo mbili.
Musana, mwenye umri wa miaka 24, na ambaye alikuwa mcheza kandanda la kulipwa nchini Uganda, alikuwa akitizama mechi hiyo iliyovuta hisia za mashabiki wengi katika kona mbalimbali za dunia, na alianguka na kuzimia mara baada ya Lampard kusawazisha bao, ikiwa ni dakika chache sana tangu aingie kutokea benchi, katika dakika za lala salama.
Alithibitishwa kuwa amefariki baada ya kuwasili katika hospitali ya kijeshi ya Bombo, na rafiki wa karibu wa marehemu amenukuliwa na vyombo vya habari akisema “Jamaa, amekuwa ni shabiki wa kweli wa Chelsea, ambaye angeweza kufanya lolote lile kwa ajili ya klabu hiyo. Tulifanya naye mazoezi asubuhi ya jumapili, na hata mchana tukala chakula cha mchana pamoja, hakika inasikitisha”
Tukio hili la kusikitisha, limethibitishwa na Shirikisho la vyama vya soka nchini Uganda (FUFA), ambalo limetoa tamko lake kufuatia mkasa huu wa kushtusha.
“FUFA, limekumbwa na mshtuko baada ya kupokea taarifa za kifo cha ghafla cha mchezaji wa klabu ya Simba ya Uganda, Misana Fahad, katika hospitali ya Bombo. Mwili wa marehemu bado uko hospitalini hapo, na taratibu za mazishi zinaandaliwa na taarifa zitatolewa baadae”, sehemu ya taarifa ya FUFA imesomeka hivyo.

Hii si mara ya kwanza kwa mashabiki wa soka kufariki kufuatia timu wanazozishabikia kushindwa kuibuka na ushindi katika mechi zao. Kumbukumbu za hivi karibuni sana kwa ukanda wetu wa Afrika Mashariki na Kati, ni za shabiki mwingine wa soka aliyefariki dunia msimu uliopita, baada ya timu aliyokuwa akiishabikia ya Manchester United kupoteza moja ya mapambano yake, ilipokuwa chini ya kocha David Moyes

Popular posts from this blog

Kocha mpya wa muda wa Chelsea kabidi awaambie ukweli mashabiki wa Chelsea, hii ndio kauli yake …

-
Image
Kocha wa mpya wa muda wa klabu ya Chelsea Guus Hiddink ambaye amejiunga kwa mara ya pili kuifundisha klabu hiyo, baada ya miaka sita toka aondoke mwishoni mwa mwaka 2009 kama kocha wa muda wa klabu hiyo, Guus Hiddink ambaye ndio ameichukua Chelsea mikononi mwa Jose Mourinho ili aiokoe isiporomoke zaidi, ameanza kwa kuwatuliza mashabiki wa Chelsea kuwa wasitegemee mabadiliko ya haraka. Kwa miaka ya hivi karibuni Chelsea imekuwa ikifanya vizuri, hata msimu uliopita walikuwa Mabingwa wa Ligi Kuu Uingereza hivyo mashabiki wake wanaweza wakatarajia mabadiliko ya haraka na kutegemea kuiona timu yao ikirudi nafasi za juu, Guus Hiddinkambaye anaamini kuwa atafanya vizuri na kuirudisha Chelsea katika nafasi nzuri amewaambia mashabiki wasitegemee kuona timu inabadilika haraka kwani inahitaji muda. “Kama utaangalia msimu uliopita Chelsea walikuwa na mafanikio makubwa na kutwaa Kombe, najua msimu huu wana malengo kama hayo, kutwaa Ubingwa tena hususani katika Ligi Kuu Uingereza...
soma zaidi

Walimu wadaiwa kuacha vipindi kukimbilia kufanya kazi migodini

-
Image
Wanafunzi wa shule za msing i mkoani Geita wamewalalamikia walimu wao kufanya kazi migodini na kuendesha bodaboda, hali inayosababisha wafeli kutokana na kutofundishwa darasani. Hata hivyo, Ofisa Elimu, Mkoa wa Geita, Eufransia Buchuma alisema juzi kuwa walimu hukimbia vipindi hali inayodhorotesha ufaulu. “Tumeweka mikakati kwa kila walimu wakuu wote kutoa taarifa kuhusu watakaoshindwa kuhudhuria vipindi au kuwa watoro, kisha hatua za kinidhamu zitachukuliwa kwa mujibu wa taratibu za kazi,” alisema Buchuma. Wakizungumza hivi karibuni, baadhi ya wanafunzi walisema hawamalizi silabasi kutokana na walimu kutokuwapo kwani siku nyingine wanarudi nyumbani bila kusoma. “Walimu hawafundishi, mnaweza kukaa wiki nzima bila mwalimu kuingia darasani, siku nyingine zote haumuoni au anakuja kusaini kisha anaondoka,” alisema mwanafunzi Retias Devid. Alisema walimu wengine wanafanya shughuli zao migodini, hivyo mwitikio wa kufundisha unakua mdogo. “Hata wakifundisha ha...
soma zaidi